Naovenant
Mestreech 1959
Es alles eve sjoen waor in eus gooij aw stad
direk alles gemaak woord wie me 't geere had
veer zowwe us gaar neet ammeseere
want de Mestreechteneer dee vreigelt zoe geere
Refrein :
Veer zien bleij tot neet alles naovenant geit
tot aof en tow Mestreech bekans in brand steit
want es eederein 't eins waor, met wat me is vaan plan
daan stonge veer heij, daan stonge veer noe heij
met euze moond vol tan
En stong 'nne nuije toore op de Sintervaos
mochte veer same zwumme veuraon in de Maos
en waor plaots genog um te parkeere
daan hadde veer toch niks um te sjikeere
waors 't op 't Vriethof glorievol verleech
en bleef euze Baron mer altied in Mestreech
en zaofe veer de Brögk good avvenseere
daan mooste veer get aanders prakkezeere
de Aw en d'n Awwe