d'n Ingel vaan Mestreech, Math Hardy. Math is gebore op 30 mei 1944. d'n Ingel zoewie de Mestreechtenere dee kinne is "gebore" in 1969. Es vastelaovend vierder waor Math altied verkleijd es Ingel. In 1975 kraog heer daoveur de titel Vastelaovendvierder vaan 't jaor. Math waor de hospes vaan de bekinde kaffee Rembrandt aon de Merret in Mestreech. Heer is gestop met zien zaak in 2007. 

In 1994 woort op de Merret 't 25 jaoreg zjubilei vaan d'n Ingel gevierd en in 2019 waor 't weer e groet fies met zien 50 jaoreg zjubilei. Häöm woort toen door burgemeisterse Anne Marie Penn de stadsmedaille oetgereik. 

Same met Harry Heuts sjreef Math ouch meziek en zoong hiel get leedsjes op plaat. Marjos, de vrouw vaan Math, zörgde bij de mieste vaan die leedsjes veur d'n teks.