Sjannèt
"Sjannèt" woort es A-kant op single oetgebrach in 1959 op 't Decca label. Op de B-kant steit 't leed "Menier d'n deender".
Sjannèt is t 'Vastelaovensleedsje vaan 1959. De meziek is vaan Math Everaarts.
't Leedsje is ouch oetgekoume op e paar langspeul plate:
Carnaval in Mestreech, label Philips,1961;
De boonte störrem raos, Label discofoon, 1977;
En noe bars de bom (Zingende Pótsvrouwe), label Dureco, 1981;
De boonte Störm, label Frea records, 2005
Op CD woort 't leedsje oetgebrach door Omroep Limburg in 1999
De hoeze van dees opnames kint geer hei oonder bekieke.
Dao kump eus Sjannètteke,
Die geit zoe gere mèt;
Ze zingk en kint sjoen danse,
Calypso en ballèt;
En mèt de Vastelaovend
Springk ze van hot nao haar
Veur alle hermenieje op
Of achter 'n famfaar.
En ederein zingk mèt
Dit sjoen couplèt:
Sjannèt, Sjannèt,
Kom, dans nog ins ballèt;
Iech zal diech ouch traktere
Astrein aon 't bufèt.
Sjannèt, Sjannèt,
En veer goon same oet
En trèkke daan de Vriethof op
In eine rijaloet.
