Sjoen stad Mestreech

Mestreech 1957
Wäörd : Annie Haaken van Loo
Meziek : Jean Fey
met väöl sukses op versjellende Mestreechse aovende gezoonge in de Staar


Zeen iech dien walle en dien sjoen poorte
euver de Maos die gooij Aw Brögk
Heij is de plaots vaan mien geboorte
dat waor veur zeker toch e gelök
en sjeint in 't vreug-jaor daan nog de zon
die hölt alles in e gouwe leech
huur iech de klaanke vaan 't kér-le-jóng
jao daan bin iech gruuts op mie sjoen aait Mestreech

Refrein : 

Sjoen stad Mestreech aon Maos en aon Eeker
daovaan bestoon'ers gein twie
en op dee'z eerd jao dat weit iech zeker
vind geer zoe stedsje zoe stedsje neet mie

zeen iech de toorens vaan dien aw kèrreke
dao beij 't Friethof in rös en vreij
en d'n persessies met witte bruudsjes
dat vind gèr allein, allein nog mèr heij
en huur iech daan nog eus euge taol
die Meer us lierde in eus reete weeg
es iech zoe door dien smal  sträötsjes dwaol
jao daan bin iech gruuts op mien sjoen aait Mestreech

de Aw en d'n Awwe