De voetbalwedstrijd
Mestreech 20 juni 1962
Leedsje gemaak ter gelegenheid vaan de voetbalwedstrijd De Buuttereedners tege Wovan oet Sittard
Op de wijs : Hup Holland Hup
De buuttereedsners koume weer
heij met Wovan bejeijn
ze trokke veur 'nne foetbalmatch
nao Sittardia terrein
Me de manne vaan Wovan waore klein vaan stök
Die hadde al de zenewees ze woorte haos geplök
door ellef flinke kerels internationaal bekind
zoewie me in Brazilie of Spaanje nog mer vindt!
Hup Holland Hup
Ze ginge in e kringske toen zoe veur 't linsje stoon
en stoonte al te popele um weer flink traon te goon
Medame Hendrika bökde ziech toen veel d'n ierste sjeut
direk al in d'n aonval en Wovan kraog vaan de neut
Toch veel d'n ierste gool haos beij d'n Awwe in 't net
gelökkig woord heer sjus op tied door Piedro nog gered
Nao vief menuut 't ierste doel door Pompernik gemaak
Wovan stoont gans te bubbele ze voolte ziech gekraak
d'n Awwos heel de balle troet wie heer dat is geweend
heer heet die viefigdoezend pop toch neet veur niks verdeend
en Didie oet Brazilie dee deeg inins zoe raar
ze drooge häöm toen vaan 't veld kepot op 'n brankaar!
Toen zaoge veer Lambertowitsj Gosseau en Kareljee
ze vlooge mer nao väöre tow sjus wie bij MVV
'nne hooksjeut 'nne körner 't waor beslis e feit
de "Men-kes" vaan Wovan die waore in de minderheid
Eederein had spiet devaan 't waor zoe gaw haafteij
me die 22 maan die waore al lang bleij
Wovan ging beter nao de rös in geel bluuskes en blow breuk
en die errem "Audry" toch die braok bekans häör kneuk
de "lange" weurd professional in de foetbalsport
heer heet allein 't figuur neet met en zie breukske waor te kort
Stolman heet kontrak gemaak e kapitaol lik klaor
heer geit veur good nao Standard Luik euver vief en twintig jaor
De sjeidsrechter waor umgekoch dee sjigkde met geweld
Euzen erreme Didi met zie "stepke" vaan 't veld
en Kustro späölde magnefiek Muyres heet ziech good geweerd
al woord dèks aoch op de tribuun hiel hel geprotesteerd
e paar minuutsjes veur 't ind dao woord 't miech ein-ein
iech geluf de manne oet de buut hele de kop neet mie beijein
De 60 doezend kiekers die maakde zien deks koed
ze joelde en ze flödde daan die errem speulers oet
en Sentjes woord op 't leste nog oet de kerrek weggehaold
me slaope kos heer neet beij 't speul dao weurd neet veur betaold
ze dooge allemaol hun bes met foetele noe en daan
en Sittard gaof hiel good pertei dus perfisia Wovan
de Aw en d'n Awwe