Eus Peerd
Mestreech 1960
Meziek : Jean Comes
Mestreech heet 'n manezje gehad
veer heele väöl vaan peerd
me die bestoon allang neet mie
noe eederein chauffeert
want de baijkes vaan Bonhomme
vertrokke heij met de stèl trom
ze kaome neet mie veuroet
de kneuk die staoken hun oet
Refrein :
Me die errem mösje, die wete geine raod
Me die errem mösje, die valle vaan de graot
ze zitte de neve, ze kinne neet leve
ze vinde nörregens mie die vleege op de straot
Zjèr Hoorens vaan de Aokerstraot
zien Liza die waor kraank
en met die vaan Van Gend en Loos
woord ze aofgedaank
Die vaan browwerij Marres zien ocherrem op de fles
ze zien nao d'n abbatoir met eus leste brouwerskaar
Dao leep eint roond in de Besing
vaan Sphinx of Ceramique
dat waor 'n lieleke aw kring
stief vaan de reumatiek
wat höbbe ze met häör gedoon
woord ze aofgeslach auch al
of es soevenier nao 't musejum tow gebrach
De zaogs ers iers nog sjegele
twie vaan 't zaait febrik
me die zien noe auch peigele
ze höbbe vergif geslik
de zuus gei peerd met op te straot
allein nog aon de Eekerstraot
me iersdaogs zien die pleitte
die leste peerd vaan Beiten
Me toch is nog ei peerd vaan us
en dat blijf altied heij
dat is dee gooije Pegasus
vaan euze Mommezeij
dee trow aon vastelaovend waor
nao al aelf maol ellef jaor
en l is heer daan mer vaan hout
veer bewaore häöm wie goud
de Aw en d'n Awwe