Euze Sjaak

Mestreech 1960
Umtot Sjaak Chappin ziech trök trok vaan de Tempeleers, höbbe veer dat leedsje op häöm gemaak

Eeder jaor in jannewarie
zitte veer in de penarie
zow 't dit jaor wel get geve
wat goon veer noe weer beleve
Me es Sjaak oet 't keukskes-febrik
de ierste wäördsjes tot us sprik
daan greuijt inins eus hart
daan weurt obbenuijts weer gestart 

Refrein : 

Wee heet die Tempeleers stapelgek gemaak
Wee heet die Mestreechteneers in hun hart geraak
wee liet us sjoddele tot de Staar haos kraak
dat höbbe veer te daanke aon euzen Opper Sjaak
dat höbbe veer te daanke aon euzen Opper Sjaak

Heer wét te geve en te numme
met häöm stoon veer noets in us humme
bei us en in aander streeke
't zal häöm aon wäörd noets oontbreke
en es heer déks zoe vruntelik lach
hawt daan eur sentsjes mer in ach
want daan helt heer e pleit
veur lol en de sjariteit