Ach wat zien ze sjoen
Mestreech, september 1956
Vreuger zaog me de jongens
ze waore miestal bloetskop
en es 't hiel slech weer waor
met e piele-mtske op
Me allewijl drage ze mötse
de kins hun neet mie trök
ze doen diech hiel hel dinke
aon kringkskes speijers aon de brök
Refrein :
ach wat zien ze sjoen
ach wat zien ze sjoen
dat höbs tiech vaan ze leeve neet gezeen
zoe sjoen, zoe sjoen!
Kaom daan diene leefste
zien häörkes hiel sjoen glad
umtot heer e bitsje boter of briljantin trop had
me noe höbbe ze piesele
geplak op hunne kop
of 'nne stijve beurstel
en dat het coiffure al la ber-bop!
Ze doen aon alle modes
en koupe ziech e pak
e jèske met twie slipkes
dat hingk wie 'nne zak
'n brook met hiel smal piepkes
en daan maake ze ziech piet
in die doeije-greevers pekskes
en de kleur het antrasiet