Beij Wieske
Mestreech september 1955
Melodie : 't Huiske vaan Fraits Rademacher
Dat leedsje is geboore in de Poswaagel
Wie iech nog e meidske waor
vaan amper twintig jaor
en mien ierste dröpke droonk
iech wis neet wat dat waor
Höbbe ze rs miech drei gevoord
toen laog iech in e heukske
en wie iech smörregens wakker woord
had iech e naat breukske
Refrein :
Tra lalalala tra lalala
Wie iech toen get awwer waor
de smaak te pakke kraog
en neet mie van 'n liters fles
veur mirakel laog
zaot iech deks tot middernach
met e flink stök in mie breukske
örreges op de Groete Grach
beij Wieske op 't heukske
later toen bin iech getrowd
iech naom miech 'nne maan
Me dat heet miech ouch altied berowd
want dee maak ziech get te-vaan
vaan toen aof goon veer alle-twie
Nao Wieske op 't heukske
me iech höb geine fenning mie
op mien sparbaank beukske
Noe is mie luunsje zoe gaw op
veer kinne neet te veur
Daan kriege veer 't in de kop
en verzoepe mer de heur
Daan weurd nog ins deks gedach
aon 'n aajt Mestreechter spreukske
Heije veer mer get op-zeij gelag
in e besjeete deukske
Hadde veer dit of dat gedoon
veer kinne 't neet mie laote
veer moote ins nao Wies tow goon
en effekes met häör praote
es me op te pof te drinke kraog
of op zie foonse-beukske
daan kaome veer heij alledaog
bij Wieske op 't heukske
um ein oor is 't weer gedoon
en Wieske moot goon sleete
es geer neet nao hoes welt goon
moot geer 't zèllevers weete
Astrein daan kump 'nne deender aon
dee sjreif us in zie beukske
daan kos 't us väöl sentekes
bij Wieske op 't heukske
De Aw en d'n Awwe