d'n Os vaan Beek
Mestreech 1960
Dit is 't leedsje boe veer in Beek met kampioen vaan Limburg zien gewoore
Kint geer uuch rappeleere deze zomer dat groet fees
vaan de Beeker Liedertaofel dat is miech gèt gewees
dao woord 'ne os gebrooje me 't had zoe lang gedoord
veurtot hiel wied in Duitsland 'nne kok gevoonde woord
Refrein :
Deen os vaan Beek deen os vaan Beek
dee wachde al 'n ganse week
Deen os vaan Beek deen os vaan Beek
dee brach haos alle lui vaan streek
De Beeker Liedertaofel had aon taofele gebrèk
um die beijein te kriege woord eederein haos gek
me wie d'n os aon 't spit zaot, toen had heer gei gelök
die prei had vaan 't wachte 't spit in ziene rök
Toen heet dee koonterfilet väöl sentjes opgebroch
dao woorte op te Merret teväöl bönnekes verkoch
en wie d'n os toen op waor toen woord 'n kooij gehaold
en veur 'n unske uujer e göldeke betaold
de Aw en d'n Awwe,
kampioen kolderzengers 1960 vaan Limburg