Dat vind geer in Mestreech
Mestreech juni 1958
Melodie : Dat is de kleine man
Veer höbbe e kioske wat aon eeder doel voldeit
boe bekroende hermenieje kaome speule
gaot mer euveral ins kieke of nog örreges zoe eint steit
't is nog sjoener es de sjoenste slingermeule
es 't ach daog örreges steit daan verplaots me 't mer weer
dat doen ze in de zoomer zoe per maond 'n kier of veer
Refrein :
Dat vind geer in Mestreech, allein mer in Mestreech
boe geer oore staot te wachte aon de geslote euverweeg
gaot 's-aovens ins de Vriethof op iech geluif neet tot iech leeg
boe vind geer zoen verleechting nog, zoe sjoen wie in Mestreech
en weet heet auch nog daobeij zoen prach kollecsie urinoirs
d'n oondergrondse op de Merret neet te vergete
dat waors vreuger e sjoen dink mer dat is neet mie väöl raars
dat speloonk is noa al tamelek versleete
in de Hellemestraot in dat look
en op de Vriethof in deen hook
es geer dao nao binne gaot treijt geer in de peperkook
en ze ginge heij vaan make 'n congresstad wie me zeet
en ze wowwe ziech met Breusselt al goon meete
umtot me heij op dat gebied zoeväöl aon te beeje heet
eus theaters en de nachklubs neet vergete
ze booje euze buro aon es zetel veur de Benelux
me geine wow 'm höbbe met alle comfort en al dee lux
Gaot ins in de Stokstraot kieke dao weurt 'n city vaan gemaak
drei jaor geleije begos me dao aon te saneereme 't ligk nog altied braak
de lui die wachte op hun zaak
me 't ligk nog altied braak
jao dat kin allein Mestreech ziech permiteere
en wie langer of dat doort, deste miejer tot 't kos
ze loere heij beij us toch neet op 'ne miljoene pos
de Aw en d'n Awwe