Ter Duuvel
Mestreech 1958
Lès koum 'n juffrow beij miech
die belde hoes veur hoes
ze duijde miech veur e wullemke
e leutsje in mien voes
geer moot 't ins riskere
geer höb kans tot geer gèt wint
misjiens e eige huiske
of e nuij ameublemint
me 't gelök is neet met miech
es iech miech e leutsje koup
want 't is miestal ter duuvel
dee zit op de groetsten houp
Mien steul die zien versleete
ressors die haange troet
de gordijne gans gereete
gezette veur de roet
't tepiet hingk vaan de moer aof
miene radio is kepot
en iech höb bekans gein heume
en gein brook mie aon mien vot
Me innige mäöndsjes later
koum de trekkings-lies
't waor 'ne reuze flater
iech had gaaroet geine pries
't hoes dat waor gevalle
beij 'ne rieke vent
met 'n straot vol eige hoezer
en heer böllekde vaan de sent
de Aw en d'n Awwe