Wat weurs te dik
Mestreech, mei 1960
Keend leef wie zuus tiech oet
vreuger waors te mèr 'n sjroet
noe geis te gans oet die medèl
de bis al sjus 'nne frikkedèl
de moos 't zellef mèr wete
de deis auch niks es ete
zoe dèks es me diech zuut
löpste te knawwele oet 'n tuut
Refrein :
Mie leefste keend wat weurs te dik dik dik
iech lach miech haos 'n krentemik mik mik mik
me 't kin miech neet sjeele
veur miech bis te sjoen
kom heij daan kreigste
'nne lekkere poen poen poen
Hoonderd kilo en e kwaart
zit 'm dat noe in d'n aard
nao 'nne ketel ertesop
krijgs te nog friet met busstök op
daan geis te diech begaoje
aon e paar rieste vlaoije
de hèls toch gaar gein dieet
boeste datlies, jao dat weit iech neet
de Aw en d'n Awwe