Refrein :

't Is noe pekskesaovend
Kinder zien zoe blij
Want 't is venaovend
Ein groet fieske hei
Allerlei gediechte zien gesjreve
Ederein dee zingk
Lang weurt opgebleve
Menneg leedsje klink
Kiek noe ins wie fijn tot ze z'ch veule
Dit is hunnen daag
En ze blieve speule
Umtot dat noe maag

Couplet 1 :

Jao 't steit op de kalender
't Is vendaog weer vief december
En dao is door kinder lang nao oetgekeke
Allemaol goon zie noe zinge
Of de Sint hun get kump bringe
Al die leedsjes zinge zie al hiel get weke
En obbins weurt op de deur geklop
Sinterklaos dee steit dao op de stóp

Couplet 2 :

Lankzaam kump de Sint nao binne
En zien Piete die beginne
Mèt get peperneut in alle heuk te struie
Sinterklaos vraog nog ins eve
Zeet geer altied braaf gebleve
Aanders mote veer uuch in de zak goon duie
Hei en dao loert eine daan get bang
Tot heer zeet dat weit iech toch allang