Eus Merieke

Mestreech, mei 1956
Melodie  : Yellow rose of Texas

'nne G.I. Joe oet Texas, met e meitske vaan Mestreech
die leepe ins te vreije euver de Eekerweeg
ze kaome door de koompe zoe nao 't park tow
en eve nao de herte, en nao de beerekow

Toen zag dee jong oet Texas, ach Mary bis neet koed
me beij us dao is zoe park 'nne kier of tien zoe groet
Iech bin 'nne echte cowboy en höb thoes 100 peerd
'n ranch en auch 'n farm dat is de meuite weerd
'n fokkerij vaan hinne 'nne stier en 'nne os
en e echte blokhut in 't midden vaan 't bos
If you a little love me, en diech weurs daan mien vrow
daan goon veer met eus twieje nao mien old Texas tow

Me toen zag eus Merieke iech geluif dat allemaol
me wee sprik dao in Texas mien sjoen Mestreechter taol?
Geer höb gein poort Werechtig en geine Bastion
gein sjoen Sintervaos-kerrek en geine carillon
Geine Vriethof, geine Merret en geine Minckeleers
me auch gein Oeretoekers en gaar gein Tempeleers
Geer höb geine vastelaovend gei Mooswief en zoe mie
me wel 'nne professor de Mestreechter DEBIE
en iech gaon neet met nao Texas umtot iech heimwee kriege zow
want Mestreech zow iech dao misse jao zellefs de beerekow

de Aw en d'n Awwe