Gemingk zwumme
Mestreech, fibberwari 1956
Melodie : Johnny Jordaan
Is me örregens aon de zie geboore
heet me dao strand, me legk ziech in 't zand
me veer zien heij daoveur neet oetverkoore
al höbbe veer heij ouch de sjoenste waterkant
Refrein :
Beij us heij aon de Maos
höbbe veer somers gaar gei zwumplaots vaandoon
Beij us heij aon de Maos
koste de jonges en de meidskes baoje goon
Beij us heij aon de Maos
profiteere veer vaan de zon
vaan 't water es 't moch en vaan de boete loch
me kump 'nne deender aon, daan stoon veer op te bon
Innige lui die zien hiel riek geboore
die höbbe 'n voituur, goon nao de Côte d'Azuur
me veer höbbe daobeij neet väöl verloore
veer höbbe beij Mestreech, toch auch eus vreij natuur
Beij us heij aon de Maos
höbbe veer somers gein Riviera vaandoon
Beij us heij aon de Maos
zuus te de awwers met hun kinder baoje goon
Beij us heij aon de Maos
trekke veer 't Belsj mer op
Welle veer zwumme maan en vrow goon veer nao Rekem tow
op eus fietskes met de kinder achterop!
de Aw en d'n Awwe