Refrein :

Kedo’s zien ingepak, die zitte in de zak
De piete goon op weeg, nao kinder in Mestreech
ze völle edere sjoon, dee ze ouch mer zien stoon
dat doen zie met get perperneut
en snupkes jao zoe lekker zeut
met e surprieske ouch dao bij
en sjuimkes twie of drei

Couplet 1:

mèt pekskesaovend stoon zie klaor jao alles is gereid
de piete stoon te popele ze geve Sint besjeid
de zak dee is weer good gevöld ze kinne noe op weeg
met Sint goon zie de daker op jao bij ’t stareleech

Couplet 2:

en sjijnt daan in de mörge de zon weer in Mestreech
daan zien de piete trök nao hoes, nao Spaanje oonderweeg
meh volgend jaor daan koume ze weer trök mèt Sinterklaos
de stoomboot kump vaan Spaanje daan weer aon euver de Maos